11 dec 2006

UT HINGT IN DE LOCH........................



2007 HINGT IN DE LOCH.....

VIER WUNSCHE UCH EINE SCHOENE KERSCHMES
EN EIN ONBESCHRIEVELIK GOOD NUUJ JOAR.......

3 dec 2006

doe lups noeit allein...





de daag waere korter....
de schiem langer.....
doe lups noeit allein....

2 nov 2006

al joare enne postbode Kriemersj [Cremers] in Nuth



Miene opa Sjang Cremers woar joarelank postbode in Nuth.
Later woerd ziene zoeén Loewieke Cremers auch postbode....
Op de foto oet 1933, bie de zangvereniging de eendracht, de veurleuper van Orpheus,
es miene opa Sjang Cremers,ungerste riej de veerde va rechts.
en Lewieke Cremers, twiede riej, de achtste va rechts.
En noe es Jean Pierre Cremers de derde generatie Cremers postbode in Nuth
heh ontbrikt helaas op de foto hie boave...



Op dees ouw kaart va rond 1900, kint gier zeen wie klein Nuth toen nog woar.
Van enne autowaeg woar nog gein sprake....
Allein get hoeze langs de riekswaeg, tot hunnecum..
rond de stasie,de kirk en op de ping en hellebrook
Wat houwe de facteurs het toen toch good.....

29 okt 2006

Woeeh blieve die hingste toch ....?

Ut waor wer druk in griezegrubbe aafgeloape zoaterdig bie de paerde merret
Doer ut joar hub ich doa de ruimte, en fiets ich van duur tot duur
meh noe howwe mich die hingste de waeg versperd en mos ich loape mit de post !
Vuur eine kier in ut joar mak mich dat nieks oet....
ich hub der van genoate, en angere auch.
Moandig kem ich mich der pony oet de auge,en fiets ich wer doer griezegrub....














24 okt 2006

geine koffie meh tie en tie.......

T.P.G. wurd T.N.T......
meh Nuth Blieft Nuth.....


Ich bin noe al 'n tiedje es postbode in en rond Nuth aan de geng, ut bevilt mich good, doe zuus en huurs enne haup.
Onger waeg kumste de schoenste dingen taege, die prachtigge natuur um Nuth, auw huuskes, leuke en interessante luuj en nog mier van die dinge.
Noe hub ich mich pas eine kleine digitale camera gegolle, woemet ich die dinge kin vas legge, ut zou te joamer ziee um ze te loate ligge.
Ich gaef hie eine aanzet, noa wat mot gruije,en wat wellicht zal oetmonde in ein nuuj site, mer doa euver vertil ich uch dan miee.


De blaar zint aan ut valle, de herfst kumt der aan...
Geneet nog mer effekes van ut zunke op nirve....

















Der Funs haed de letste kier, dit joar,
ut graas gemeijd rond de kirk en rust noe oet..



En bin ich dan boave in hunnecum.....
schuut der opins enne tractor de riekswaeg op...
Meh gelukkig huuj neet,
ut is nog good waer en der Gene es nog in ziene gaard bezig...
kinne vier nog ens moelle euver de joare dat he os de tractor reij
es vier mit ut Jachthoes in den optocht mit ginge
en ut beer al op woar veur vier vertrokke




Mer ut schonste plekske blieft toch Griezegrubbe,
un lank lint van huuskes, kruuskes en boerderieje.
Doa es altied get aan de hand,
huuj ein koaf gebore,
murge e verke geschlagt,
en veurige weak schloag nog ein paerd op hol....

6 jun 2006

'n wil vesper in nuth



Pinkstermoandig 2006 vong "ónger de paort" bie de kirk va Nut, de prizzentasie plaats van ’t nuuj book van Colla Bemelmans, "wil vesper".
Wil Vesper is alweer 't zösde book van Colla Bemelmans (twieë dichtbundels, twieë kingerbeuk en e Woerdebook.
Wil vesper kump vanoet de middelieëwe es sjpottende taegehenger van de Letiense vespers. In 't plat van Nut beteikent wil vesper: 'ne doerein, wille boel, masjerang. 't Zint dan ouch gedichte, verhaole en tonieëlsjtöksjkes doerein.
Bouw ummer gónt ze uëver 't laeve, de maatsjappie (doeëd gaon, leid, 't dörp, Awacs, dementie) of 't gelouf (kaesjmis, paosje, biebel).
De tonieëlsjtöksjkes zint al dèkker gesjpieëld in verzörgingshoezer, de kirk of op bezinningsdaag.
Zoeë'ne doerein is 't ouch weer neet, alles sjoeën op e riejke gezat mit thema's. ‘Geordende chaos’ zou me in 't Hollesj zègke; en dat is jao ouch 'n taal.
De prachtige teikeninge zint van de Limburgse kunstenaer Jo Havenith.




’t ieësjte exemplaar woert doer Colla oetgereikt aan ózze burgemeister Headly Binderhagel, dae va gelök kan sjpraeke, dat d’r al vuur de installatie van minister Verdonk, bie os in Nut waor.



D'r woert ouch 'n wil vesper gezónge doer Laur Crouzen, dae dat zelf ineinsjoesterde.




Weg oet Nut

D’r waor ins e maedje van zieëvetieën jaor dat opins oet ’t dörp verdwieëne waor.
De jónge wiste ’t nog good: ze waor gister nog op de hangplek gewaes in häör sjtrak zjwart laere pak, de haore geverfd wie ’ne volièrevoeëgel, hóng vol mit iezer. Ze waor wie ummer nogal bleik van hoed, neet zoeë zier ómdat Nut gein sjtrand haet, meh ómdat ze ummer lang moewe droog en van die hoeëg gesjlaote truitjes van dat Minor_greun.
Opsporing verzocht: "Verdrónke in de Pletsjbaek?"
"Nei, doer speed."
"Toch neet in Nut!"
’ne Ouwere miensj oet ’t dörp houw häör gezieën: bie de Maas, taege dat de aovend vool. Ze zoot nao vlinders te kieke die van Kaardebol nao Teunisblome vloge. Gei miensj oet Nut geluifde häöm; hae drónk zich al ins gaer ènne.
En ’t pasde neet in ’t rampscenario, vóng de politie.
De luuj van Nut geluifde dat ze in de scene zoot, ’n hennepplantage houw, ingetrokke bie ’ne fundamentalist, dinkelik verkracht en zelf oetgelokt.
Me huurt zoeëväöl op d’n daag van huuj.
De ouwe miensj woert oetgelache.
In Nut geluift jao nieëmes dat e maedje van zieëvetieën aan ’t water nao blome en vlinders kiek.

19 apr 2006




31 mrt 2006



Num dich ens de tied.......
en vleeg ens doer Nuth !!
Ut es zieker de meuite weart.

22 mrt 2006

Nuth en Omstreken

Pastoor van Heyst

het woar ein komme en goan,
op de receptie va pastoer.
den eine geit................
den angere kumt...............
esse hem tenminste loate goan in bliejerhei ?

21 mrt 2006



sjennet... ein bietje korter bie pastoer,
en dalik numste auch ein foto van netteke met menier pastoer.
want volgende waek es er eg weg.....
och wat joamer tog, ut woar zoe enne leuke minsch














enne lachende pastoer van Heyst numt afschied van zien dierbare parochianen, op ein druk bezochte receptie in ut trefcentrum va nuth op zondig 19 miert 2006















meh iesch mose de maedjes van gen heksdaal, nog ein schoen foto make va pastoer, vuur er weg geet