Loup nao de boesch !

Diene voot op 't gaaspedaal

em mer rieje, sjtop en sjtap oet

Loup nao de boesch !

geneet van de frisse lóch en de natuur

veur det se verdord en besjummeld bös

van det binne zitte of dien drök laeve

Loup nao de boesch !

vergaet ins dae agenda en 't renne

van de ein vergadering nao de angere

Loup nao de boesch !

dao staon de buim op dich te wachte

en de veugel óm, veur dich, voloet te fluite

mer doe wils alles wete, alles mitmake, alles vertaere

eine maagsjwaer kins se d'r van kriege

Loup nao de boesch !

num dich bótterhamme mit en ein flesj water

geneet van dae natuur, of 't lente, zomer, herfs of wintjer is

pak diene tessjeplak

en maak dien naas zuver

des se alles good kins ruke

óm de vitamine van de boesch op te sjnoeve

daorum zègk ich uch:

Waerd de sleur en de zörg van alledaag te väöl….?

Loup nao de boesch !

va: Mariet Utens oet Ech.

Sjrièverskrink Midde-Limburg Ech

Vasteloavends foto's va vreuger

In de joare 50-60, 

van de veurige ieuw...............

woerd der bie ut cafe ouwd Nuth va Rooijen

aan de Stationstroat al vollop karnaval gevierd.............

Ut woar spaarklub ut Kruukske,

die doa rond de vasteloavend altied de spaarkas lichte,

mit dan auch natuurlik eine fiestoavend derbie.
Ze houwe zellefs ein eige orkest..
en dat hoosch auch het Kruukske,
mit pa en ma Kersten en mit Mie Merckx (diekke trom) en Wim Waltmans (trompet)

es ich ut good hub,

is Wim Bemelmans hie ins prins gewaest...........
den angere prins is Piet Merkx



vuer de res zuuste noch ongerangere Toon Frauenrath (prissedent), en Giel Royen (van de frituur)

Mit dank aan Jan Kersten vuur de schoene foto's.......

gesponsord doer:

Geine pits stop in den optocht...........!!

De zitterdse vasteloavens vereiniging de Marotte 

haed um loaker in den optocht te vuur komme, eine pits stop aafgekondigd..............

Optocht deilnummers die toch bie ein van de cafee's langs de optocht roete stoppe, um zich doa eine te drinke waere direkt oet de optocht genomme............

 Bie os in Nuth wille ze die probleme auch vuurkomme..............

en hubbe de nachuule de optocht route zoe oetgekiend

dat de stoet langs gaar geine cafe kumt,

um zoeh die pitsstops taege te goan.............

in Nuth zeen ze ze vleege...............!! 

Kapsalon Zautsen aan de kirkstroat in Nuth

Weh herinnert zich nog kapsalon Zautsen aan de toen nog Kirkstroat in Nuth...?

Woe noe der Funs Hendriks de luij de hoare schniejt, 

woar vreuger dames en hiere kapper Zautsen.

Dees foto oet de joare dartig, mit ut voltallige personiel in de duur

 

v. l.n.r. Hub Zautsen, Mevr. Balk-Zautsen, Jo Balk

kapsalon Zautsen. mit doa naeve de sanitair winkel va Sprakelaar

TTTTTTTTTTïs [bienoa] Karnaval.....!

Nog effekes en ut is wer bienoa zoe wied..................
doarum hie onger ein fotogaleriej van de ouwd prinse van de Nachuule va Nuth

vanaaf Prins Ger [ Driessen] den ierschte, via onger angere jos de twiede in 1978....en wiel den ierschte in 1975.Wat eine leuke kupkes............en auch nog schoelmeister..........alle twie........

Fanfare Sint Donatus in 1961

Fanfare Sint Donatus o.l.v. dirigent Giel Stassen ter gelegenheid van ut 40 joarig bestoan

Hie onger voorbehoud de name, van links noa rechts, en van onger noa boave:

1e riej: de drumband, Leo Crapels, Broer Dijkstra, Riet Waltmans, Mia Waltmans, Minie Merks, Annie Cuipers, Martha Cuipers,Riet Salden, Jo Gijzen, Sophie Houtvast, Lucie Gijzen, Mia Goblet, Riet Waltmans, Jose Schoenmakers, Annie Crapels, Willy Schminck.

2e riej: Marinus Waltmans, Gerard Wouters, Frans Waltmans, Guus Meertens, Guus Peusens, Jan Gorissen, Giel Stassen, Pierre Spaetgens.Sjo Janssen, Cor Wouters, Albert Crapels, Frans Waltmans.

3e riej: Hub Janssen, Rene Jacobs, Wim Waltmans, Sjeng Bertrand, Mart Stassen, J. Crapels, Jan Janssen, Louis Cnoops,Frans Janssen, Jan Waltmans, Zef Houtvast, Hub Wouters, Giel Crapels, Jan Scheenen, Martin v.d. Heuvel.

4e riej: Hub Jacobs, Wiel Robert, Jan Keulers, Piet Janssen, Louis Jacobs, Jack Waltmans, Louis Scheenen, Harie Hendriks, Chris Waltmans.

5e Riej: Giel Jacobs, Wiel Bouts, Hub Cloots, Sjir Cuipers, Harrie Florax, Leo Wouters.

Dees foto es genomme vuur de auwe cafe Wouters,
in Griezegrubbe. 

Fanfare St. Donatus woerd in 1921 opgericht, umdat men in Griezegrubbe behoefte heij aan ein muzikale omliesting tijdens de  fieste. 

Ut meist bekende fiest in deh tied in Griezegrubbe woar zieker ut “Bulscherfiest” dat um de veer joar gehouwe woerd. 

Ein soert zoemercarnaval woebie de bleumkes behuurlik boete woerde gezat . 

Oet deh tied stamt auch de “Bulschermars” deh de afgeloape joare nog reigelmoatig doer de fanfare gespield en auch gezonge is.

In ut begin houw Fanfare St. Donatus ut lestig
Der woar nauweliks geld en met behulp van twiedehands instrumente probeerde Sjaak Bertrand, de ierschte dirigent van St. Donatus, ut muzikale peil umhoeg te bringe.
Aan ut gelle van uniforme hoofde hielemoal neet gedacht te were. 

De bibliotheek in Nuth mot verhoeze umdat ut bestoande pand niet mier voldeit. 
Meugelik kent de oetlien noa de nuiboew deh mot komme bie de entree van ut centrum.

De gemeinteroad steunt de plannen um bie de entree van ut centrum va Nuth ein viertiental zurgweuningen en veerhonderd mieter commerciële ruimte meugelijk te make. 

De verrommelde ruumte tusche de Stationsstroat en de Durpsstroat geldt al joare es ein rotte plek.

 

UN MAQUET VAN NUTH OET DE JOARE TWINTEG - DARTEG

Ein stukske oet alwer deil 15 va: "Get oet owd Nuth" va Lei Coenen.

Ja, dat zow neet gek zin, zoeen maquet. Noe höbbe allein ow luuj un film van Nuth van diej joare in hunne kop. Et zow de mujte waerd zin, meh dan moos et waal gow gebuure. Doa aan dach'ch wiej ich et haw uuver de twiee maquettes diej Karel Herpers van de ow en de verboewde kirk van Nuth gemak haw.  Zoeeget van gans Nuth.

Nuth 1777




Nuth 1842

Nuth 1868

 Nuth 1910

Nuth 1960

Pak de kirk, de kirksjtroat, de pasterie, de Pletsj, Nirve, de Kamp....0ch, ich zow alle deile va Nuth motte neume diej bewieze dat 'r eigelek wieeneg nuujts is in Nuth, al liek et waal zoee vuur wae et vreugere neet gekind haet.Wat vreuger paedjes woare, zint noe waeg, minstens geasfalteerde paade. En de kolleniee zinter nog (op Luì noa), meh de waeg dr noa toe zint noe volgeboewd.

mier euver "get oet owd Nuth" op:

www.OwdNuth.nl 
mit dank aan Jos Ritzen, vuur al dat leuke werrek.........

Nuth , vreuger of later....de Valkenburgerwaeg aaf......

Ut is noe nog rustig op de Valkenburgerwaeg, want der wurd nog ummer gewirkt aan de waeg in Hunnecum. Dalik wurd ut hie wer drukker,es de waeg eindelik kloar es, doarum noe mer effe tied gemakt vuur un foto.

 

 

Links op de foto ut hoes va mevr. Beckers, ein van de oudste inwoeners va Nuth............, doa achter, woe vreuger Matteke Boesch zien greunte winkelke how, es noe eine hieper moderne keuke studio

Ut hoes va mevr. Beckers, links op de foto, how toen nog witte luike, ut hoes rechts is al lang aafgebroake en loog vreuger vuur ut groete hoes va Crombach, woe vreuger de Coca-Cola hun magazien howe, de cola steit der noe nog ummer, mer dan deh van de Aldi.....! ut groete hoes in het midden, vlak vuur de merret, woar van de gezusters Hermans.

nog effekes.......en dan................

herkint gier hem nog...?

Ein stukske  van " get oet ouwd Nuth" va Lei Coenen
hoofdstuk 9. LOUIS CRIENS E NUMMER OP ZICH.



 

Lewie mit zien onaafsjeidelijke patsj van de PTT

De letste joare kòs Lewie neet good miee oet de veut. Meh Nuth zoog 'm toch elken daag, wenter in ziene uuveral de waeg op toefelde, mit de fiets es sjteun. Noa Dreesse vuur zien dageliks opwermerke en get kal. Oach kòs men 'm elken daag, achterin de kirk onger dn oksaal vinge onger de oavendmès, drök bezig mit ziene rooezekrans. En noa aafloap toefelde hae noa Slivvevrow om e kaerske aan te sjtaeke.


Wiej Sjeng, zie broor, oach al owd, ins erg krangk woar hawwe kirkegengesj Lewie, es geweunlek, noa vuur zien sjuufele, noa Slivvevrow trekke en doa et platoo vol zien zette mit alle kaerse diej drop kòste en 'm huure zegke: 'Dè, Merieke, diej zint vuur Sjeng en wentstem baeter maks, kump 'r ze zelf betaale'. Et kosde Annie bow twinteg gölle... '.. Lewie enne ongesjlieepe diamant!’

mier va ‘..Get Oet Owd Nuth..` kint gier laeze op:
http://owdnuth.blogspot.com/

let op......... !! optochtroute alwer verangerd....!!

Zonger tom-tom wurd ut verdoms lastig

um dit joar de gooie waeg te vinge vuur den optocht....!

De Nachuule hubbe besloate de optochtroute alwer te verangere....

iersch moos de Valkeburgerwaeg der oet.........

umdat de Veolia busse doer moasten kinne vare.......

noe kin ich de nuuj route ein bietje oet miene kop,

wurd ze alwer ein kier gewijzigd,

ich zou aan de Nachuule wille vuur stelle:

gaef elke deilnummer aan den optocht in Nuth,

eine vuur geprogrameerde tom-tom mit.................

angersch wurd ut eine ganse groete chaos...........

ich bin benuujd....

wurd vervolgd......