Twie joar gelaeje woerd de letste gans van het knuffelende duo doer brons dieven gestaole. Aan de poete afgezaegd bleef inkel de voatplaat euver…
Ein gemis voor de omgaeving en vuur Nuth.
Um de ganze wer te loate knuffelle in Nuth is eine speciale projectgroep in ut laeve gerope die der veur zurge, via crowdfunding, de knuffelende ganze in brons truuk te plaatsche.
In euverlek mit de gemeinte is der vuur gekoaze de ganze op ein angere, mier centrale plek truuk te plaatsche en waal noabie ut nuuje appartementencomplex aan de Stationsstroat te Nuth. Taegeneuver de Rabobank. Ut verbindende paad tusche de kirk en de Stationsstroat, ut Habets-hufke.
Sinds maondig 24 november 2014 stoan de ganze alwer te knuffele op ut Habetshufke in Nuth.
