Um ut joar aaf te schloette nog effekes ein auw foto die ich van de waek kreeg van Hay Zautsen, oet 1928 schat ich , wie de hoezer aan de spoarstroat geboewd zint, dit es de kant van de autowaeg, woe ze inmiddels alwer aafgebroake zint, wie ze de oprit velag hubbe.
De schilders zint druk bezig de letste hand te legge. links mit snor: Harry Jongen oet de Tiendstroat.
In ut midde: Hein Zautsen, en rechts taege de moer: Harry Balk

Kaesjmis 2013

Op de Filippijnen

woeëne ze noe al

in ‘ne kaessjtal,

allein de sjäöp zint verzaope

mit die anger dere,

de herders ligke sjtief

ónger ’t puin en de drek

naeve vössjers in plastic zek,

godwèt bringe kuëninge gaves

via giro vief vief vief,

raege bloos ’t leech oet

van de sjter.

En vier zette de boum weer op

zeuke ós e kaesjdiner op

en blaoze 

nog aeve hoeëg van de taore.

Erme Jezus,

toch vuur de hóndsböl gebaore?

Colla Bemelmans

ut tabernakel van der Funs

Ich kom der bienoa jedere daag langs...

es ut neet onger mien werrek,

dan waal onger ut rundje mit den hond.

Mer dees waek vool ut mich op....

ich dach: wat haed der Funs noe alwer gemakt...?

Hae woent der al ein tiedje neet mier,

sinds er verhoest is noa der Kamperhof,

mer elke daag is er waal effekes doa....

um get te schoesterrre of......

ein heus tabernakel in de mergelmoer te boewe...!

Hae haed altied van die schoeen verhoale

euver vreuger, euver ziene pap en zien familie,

in dat schoene huuske achter de kirk,

hinger gen hergods vot....!!