Kaesjmis 2013

Op de Filippijnen

woeëne ze noe al

in ‘ne kaessjtal,

allein de sjäöp zint verzaope

mit die anger dere,

de herders ligke sjtief

ónger ’t puin en de drek

naeve vössjers in plastic zek,

godwèt bringe kuëninge gaves

via giro vief vief vief,

raege bloos ’t leech oet

van de sjter.

En vier zette de boum weer op

zeuke ós e kaesjdiner op

en blaoze 

nog aeve hoeëg van de taore.

Erme Jezus,

toch vuur de hóndsböl gebaore?

Colla Bemelmans