31 jul 2010

Autoweg Nuth, vreuger of later............



Auto waeg..............in Nuth
Momenteel un aktueel tema,
wurd der driebaans...........?
kumt der ein turborotonde bie Reimerschbek........??
Op dees foto es doa nog hielemoal gein sprake van......
ut woar mer un stukske veerbaans autowaeg,
van Ten Esche tot Gelean, zonger vangreels, files en vluchtstroke.....

Moste noe ins kieke............


28 jul 2010

vreuger....of later.....?

Huuj enne toeswedstrijd, ich how genne zin um wied te goan......
En in de buurt es ut auch deks schoeén......
doarum huuj ein foto van de Ziepe, nee neet de frituur.
echt de buurt de Ziepe, in de serie vreuger of later....



De Ziepe en auch de buurt van de Tiendstroat/ Spoarstroat/ stukske Nuinhof en Parralel woare de ierschte mijnwerkerswoningen in Nuth.
Op dees foto van zieker vuur 1953, want toen zint de weuningen in de Josephstroat geboewd, die stingen der toen nog neet,in de verte zuuste waal nog de auw jongensschoel van onder andere meister Claessen en Pinckaerts.
Toen koste ze nog rustig op gen stroat spiele.....



Hie eine blik op de Ziepe anno 2010, joa inderdaad veul blik, mer gein kinger mier die spiele op stroat.......
de groete lindeboam, bie de auw schoel es gelukkig moage blieve stoan, en es gelukkig nog grotter es de appartementen die ze doa geboewd hubbe.......

14 jul 2010

vreuger of later.........................??




Eine blik op de merret va Nuth, toen........... en noe........
hie is veul verangerd doer de joare haer...

de gezusters Hermans zint al joare geleje vertrokken ............
ich kin ut mich vaag herinnere,cafe Rooien, links op de foto, mit ut frituurke waet ich waal nog good, doa hinge groete schilderieje va Nuth, die later nog
bie cafee Dreessen hubbe gehangen,meh deh es der auch neet mier......
Doa naeve......op de anger hook, woe noe Claessens es, woar toen de zaak va drogisteriej Nievelstein, zonger d.a........
Achter de winkel va de gezusters Hermans,loog ut hoes va dokter Olieslagers
Woevan hie ein foto............



Hie es waal veul verangerd,en hie es ummer get los...............



Zoe rustig es op dees foto's es ut neet ummer op de merret va Nuth....

5 jul 2010

vreuger....of later.....?



Alwer ins ein nuuj serie vreuger of later, um uch te loate ziee wie Nuth verangerd es, of neet.....
Ein foto va bie de kirrek, doa steit bienoa ummer ein cafe, dat waore ummer goei bure, doer de joare haer...auch in Nuth.
Joare lank es ut Cafe de Roadskelder gewaes, va Bertha en Giel van de Haasch [Harst], later same mit hun dochter Ans, dat how der auch waal slaag van.
Ich waet nog good, der Giel schudde zich ummer ein drupke vuur zichzellef in, en zat ut dan op de tieek, en effe der noa pakde hae ut, en zag dan deh es toch al lang weg..
Noaderhand hubbe Hub en Annie Hamers der joare lank in gezaete.




Noe es ut al unne tied van Concetta en Rob Passage, mit hun grand cafe Barbarossa, en italiaans restaurant der naeve, ut pand an zich es ut zellefde gebleeve, en ze hubbe auch nog ummer dezellefde euverbure, allein mit de auto moagste der nit mier op..