20 nov 2009

Pik binne......ut wurd winter......


Pik Binne.....Ut wurd winter......
zullen ze in Parkschtad gedacht hubbe....


Vier hubbe de ruk nog neet gedriejd...
of ze hubbe oos industrieterrein al binnen gepikt.

Wie ich euver de bruk van de autowaeg kaom.....
zoog ich ein groet bord staon....
ich dacht zal waal reklaam van de Makro ziee...
want doa geit ut auch neet good.

mer neeh huur.....
midden in de nacht hubbe ze stiekum ein groeet bord geplaatst



Ut es mer dat gier ut wit.....
oze eige Horzel heischt van noe aaf:
Parkstad 0-500.....
dus good oppasse es ger noa de Makro goat.....
angersch verdwaalt gier nog in uch eige durrep

Meh ich blief ut zegge:

Parkstad haed gaar gein Nuth.....!!!

16 nov 2009

woe es ut toch allemoal gebleeve..?



oos iezerre bruk....


oos auwd stationnetje


mer gelukkig zint der nog get schoeen foto's van
en geneet doa noe mer van.......
binne kort mier......

2 nov 2009

effekes op lette...


Deze blog is allein vuur roakers...

Neet-roakers moage deze tekst waal laeze,
meh dan allein mit eine diekke winterjas aan, vlak vuur de duur van ut kantoer of vuur hun hoes.

Der moag doer neet-rokers onger ut laeze neet instummend weure gebromd, gelache of weure gevlookt…

der Colla haed wer ein nuuj book....



Titel: Platbook 3
Óngertitel: Gebaorte en doeëd
Redactie: Colla Bemelmans
ISBN: 978-90-78407-59-1
Pries: 9,90


Vuurwoerd

E book mit gedichte en verhaole rónd Gebaorte en Doeëd.
D'r zint väöl luuj die vraoge: besjteit d'r gein book mit gedichte in 't plat die ich de luuj bie 'ne duip of 'n aovendwake kin gaeve?
Vreuger houw de juffrouw van de lieëgere sjoeël zoeë book mit "Gelegenheidsversjes".
D'r zint natuurlik nog mieë sjerneermomente es gebaorte en doeëd woeë 't in 't laeve óm drieët, sjerneert wie 'n duur óm 'ne täölder, aope en toe. Bevuurbeeld: es ieëmes in de VUT geit, 65 wiert, trouwt, de zoeëväölste trouwdaag, gesjlaagd zin, 'ne bizóndere verjaordaag, de ieësjte baan en zoeë wier, meh dao mót mer ins 'n apaart book uëver oetkómme.
Allein luuj van de vief sjrieverskringe höbbe in dit book hun gedachtes neergesjrieëve: de krink Noord-Limburg (rónd Venlo), krink Wiert, krink Midde-Limburg (rónd Ech), krink Gelaen en de algemeine sjrieverskrink dae al mieë es 15 jaor in Zitterd biejeinkump.
't Doel van sjrieverskringe is baeter liere sjrieve in 't eige plat (en dan geit 't ech neet uëver de sjpelling), ze wille e klankbord höbbe vuur hun werk en daovan kinne liere.
Dat kint me aan dit Platbook ouch zieën, sommige sjtónt aan 't begin van dat lierproces, angere make vollierde juweeltjes.
De sjrieverskringe zint 'ne gówe kweekviever, want minstens 10 luuj van hun zint genomineerd gewaes vuur de Veldeke literatuurpries, vief höbbe dae pries ouch gewónne en zieëker 10 luuj höbbe ein of mieë beuk in 't plat gesjrieëve.
Houpelik deit 't uch get.
Samesjtèller Colla Bemelmans