31 okt 2009

álwer gein paerd gevonge....






Vuur de viefde kier woar ich alwer op de paerdemerret in Griezegrubbe...
op zeuk noa ein good, betroewbaar postpaerd,
van die botte hingste lepe der genog rond...
aezelle woare der in euvervload....
ich zaog zellefs enne kale ouwe man met enne ponnie.....

mer wat ich moos hubbe woar der egt neet...
ich komm waal truuk volgend joar,
en spaar mich nog get derbie
dan kin ich mich dan tenminste eine gooie oetzeuke....
meschien wuurd ut waal ein nielpaerd.....

weh wit...........

18 okt 2009

wat enne schoene daag.....



Doe wurs wakker, en vriefst dich de auge oet.....
Ich hub wer vast gesloape vanacht......
doon de gardiene oape....
en kiek mit miene sloapekop....
veurzichtig noa boete...

De zon es auch pas op
net wie ich...
en ze wurpt heur ieschte stroale
gans goddelik euver ut prachtig Nuther landschap

Ich hub neet gedruimd...........

14 okt 2009

Bevrijding Nuth




Mit dank aan de website van generaal Corlett
http://www.xixcorps.nl/Photographs_Holland_1.htm

hie de foto van de bevrijding van Nuth
genomme bie ut ouwe cafe Rooien, links ut hoes va Crombach
veuraan op de valkenburgerwaeg/ stationstraot

Es gier soms nog luuj
op dees foto herkind....
loat ut mich effe weite
dan zit ich de name derbie....

4 okt 2009

ut auwersch hoes



Ut auwersch hoes....
Nuinhofstraot in Nuth umstreeks 1935. de autowaeg woar der toen nog neet.....
neeh doa sting zellefs toen nog de Tiendschuur, die es afgebroake um de autowaeg te kinne boewe.
Miene opa woende in ut ieschte hoes nummer 15, dan koam de schoester Steins, ut volgende pand es Gene Linsen later de kapperszaak begonne, en dan bekker Kriemersch, enne naef va miene pap, dan de schlegter Luja,Ber van de Haasch, dan kapper Voncken en in de letste weuning zoot ut schloekwinkelke va Roncken
Hoeger op howste nog enne schlegter Beerkens, de winkel va Marieke van Heuts en ut winkelke va Bemelmans, joa va Jeuke....
Woe es ut toch allemaol gebleeve.....