14 jan. 2009

Pap en mam wer bie ein...


n trouwfoto van de pap en de mam, oet 1950

Volgende waek vriedig zou Yvonneke heure 85ste verjoardag vieren. Enne daag woubie zie normaal gesproaken heur kinger, kleinkinger & achterkleinkinger oetneudigde um ein lekkere telleur 'Tete de veau' te komme aete. Veul van de aanwezige kenne beamen dat zoals Yvonne dit kos make,ut niemes angers kos. Het is ein van de veule dingen die zie heat mitgenomme oet de Voerstreek; de streek woe zie vandaan koam.


Yvonne is geboare en getoage in de Voerstreek. Bis de doed van heure pap head zie dao ein café en eine winkel gerund tegeneuver de kerk in S'Gravenvoeren. Veur heure overlejene man: Piet, woar zie bereid te verhoeze noa ut Hollens. Samen met hem en hun 4 kinger: Jean Pierre, Danny, Andre en Myriam verhoesde zie in 1964 noa de Nuinhofstraot 15 in Nuth, het ouwersch hoes va Piet. Dachte vier dat zie noa joare hel te hubbe gewerkt in Voeren, het noe rustiger aan ging doee, mer vier hadde ut verkierd. Yvonne koam op het idee om in de Nuinhofstraot ein pension te beginne. Dit heeft zij lang, en mit veul plezeer gehad.

Joare lank hubbe zie hie gelukkig gewoend. In 1992 verkochten ze hun hoes en gingen zie met zin twiejën woene in de Dwarsstroat 9.

Het huwelijk van Piet en Yvonne woa ein gelukkig huwelijk. Een huwelijk, van gaeve en nummen, van same leef en leijd..

Driej waeke vuur de doed van Piet, op 29 augustus 1997, vierde zie hun 47ste huwelijksdaag. Noa ziene doed is heur laeve noets mie hetzelfde gewaest. Het gemis van heure Piet woar hiel groeet. Vaak, veurnamelijk in de winter, stoak ze het gemis auch neet onger steul en benk. Mer es ut veurjoar dan wer begos en Yvonne wer vol euvergave in heure gaart bezig kos ziee, ging het wer get baeter mit heur.

Ondanks het gemis probeerde ze er toch het beste van te make en heure tied te vulle. Ging ze iersch, tot in 1996, met Piet jeder joar op vakantie, noe ging ze op reis met de KBO en de Zonnebloom. Yvonneke wilde auch nog ins gaer ein ouw vreundin oet Voeren in Amerika gaan bezeuke. Mer zoe ein wiej reis haed zie waarschienlik neet aangedurfd.

Naeve haeur passies veur heure gaard en reize, ging Yvonneke biena jederre zondig, het leefst onder het genot van een glaeske Amaretto en ein sigaretje van heur favoriete merk Tivoli, kaarte bij ein van heur vriendinne.Auch woar zie um de weak te vinge bie ut kiene.

Bis ut veurjaor van 2008 woar Yvonneke ein actieve dame die nog gaer eine kier ging winkelen in Aoke,op ut Belsch of bie Intratuin. Es zie ging stappe woar ze altied klook gekleid en ze ging ut hoes auch neet oet zonger rooije lippenstift.

Sinds de zoemer van 2008 ging de gezondheid van Yvonneke achteroet. De veule bezeuke aan en onderzeuk in ut ziekenhoes woare heur wellicht get te veul. De letste maonde motte neet gemekkelik veur heur zin geweast. Het gemis van heure Pietje mot in dees periode voor heur enorm zin gewaest. Het verlees van Yvonneke makt os allemoal verdreetig, mer de gedachte dat zie noa al die joare, wer bie heure overleje man Piet es, kan hierbie eine groete troost ziee.

Geen opmerkingen: